Afon Ouse (Swydd Efrog)
 | |
| Math | afon  |
|---|---|
| Daearyddiaeth | |
| Sir | Swydd Efrog |
| Gwlad |  Lloegr |
| Cyfesurynnau | 53.7022°N 0.6961°W |
| Aber | Afon Humber |
| Llednentydd | Afon Wharfe, Afon Aire, Afon Derwent, Afon Nidd, Afon Foss, Afon Kyle, Afon Ure |
| Dalgylch | 3,315 cilometr sgwâr |
| Hyd | 90 cilometr |
| Arllwysiad | 50 ±0.001 metr ciwbic yr eiliad |
 | |
- Am afonydd eraill o'r un enw, gweler Afon Ouse.
Afon yn sir Gogledd Swydd Efrog, gogledd-ddwyrain Lloegr, yw Afon Ouse. Mae'n barhad o Afon Ure, ac mae hyd cyfun y ddwy yn golygu mai nhw, ar 129 milltir (208 km), yw'r chweched hwyaf o'r afonydd y Deyrnas Unedig. Ar ei phen ei hun mae Afon Ouse tua 52 milltir (84 km) o hyd, er bod rhywfaint o anghydfod ynghylch yn union ble mae'n dechrau.
Mae Afon Ouse yn llifo trwy ddinas Efrog a threfi Selby a Goole cyn ymuno ag Afon Trent yn Trent Falls, ger pentref Faxfleet, yna mynd i mewn i Aber Humber.
.png)
Mae ganddi rwydwaith o lednentydd sy'n cynnwys yr afonydd Ure, Derwent, Aire, Don, Wharfe, Rother, Nidd, Swale, a Foss. Gyda'i gilydd maent yn draenio rhan fawr o'r Pennines, a llawer o Ddyffrynnoedd Swydd Efrog (Yorkshire Dales) a Gweunydd Gogledd Swydd Efrog (North York Moors).
Mae ei dyffryn yn wastadedd llydan, gwastad; gall glawiad trwm yn uwch yn y dalgylch afon ddod â llifogydd difrifol i aneddiadau. Yn ystod y blynyddoedd diwethaf mae Efrog, Selby, a phentrefi rhyngddynt wedi dioddef llifogydd.
Oriel
[golygu | golygu cod]-
Afon Ouse yn Selby -
Afon Ouse yn Efrog -
Mae Afon Ouse yn ymuno ag Afon Trent yn Trent Falls
.jpg)
